Няма дакладных словаў
І няма адзіных межаў,
Не бывае двух цудаў
За адзін Калядны вечар.

Хай за вокнамі лютуе
Шэры вечар з шэрым раннем,
Твайму сэрцу будзе цёпла,
Бо з табой тваё каханне.

Прыпеў:
А калі раптам адчуеш стомленасць
Ад штодзеннай пагоні за радасцю,
Адпачні за гарачаю каваю,
Паглядзі, як сняжынкі падаюць,
Сонны вецер блукае па горадзе,
Па заснежаных вулачках Менска.
Хай з табою будзе любоў твая
І вось гэтая добрая песня!

Зноў памылка за памылкай,
Невыразныя адценні,
Ўсё не так, і ўсё не тое
І амаль няма надзеі,

Толькі зоркі ціха шэпчуць:
Не кідай свайго змагання,
Вер, што будзеш пераможцам,
Бо з табой тваё каханне.

Прыпеў.