Ат қайда, жайлау қайда, ауыл қайда?
Тауларым сол баяғы тауымдай ма?
Үй іргесі шалғыннан үрке қашқан,
Киіктің лақтары табылмай ма?

Кезбе бұлттар жиылып ақ аспанда,
Кеңесіп баяғыдай дамылдай ма?
Ауа алмай, ауылымнан ауырлай ма?
Зеңгір көгім, жер-суым, жан сырласым,

Сендер барда көңіл хош, қамсыз басым.
Өлер-өсер төсіңде барлығы да,
Зеңгір көгім, жер-суым, таусылмасын.
Күнге сенем, табынам, жерге сенем,

Дәнім болса, бір уыс жерге себем.
Бұл ғаламға жер қайыр бермесе егер,
Топырақ емес, тозаңға теңдесер ем.
Жерден өстім, мәңгілік жерге сенем.