КҮК СИРИН

Р. Әсхәдуллин көе,
Н. Тукмачов сүз.

Ал да димим, гөл дә димим,
Бакчамда бар күк сирин.
Чәчәгенә карап туймыйм,
Гел күзләрең күк синең.

Кушымта:
Сайрый да, сайрый сары кош
Күк сиринемә кунып,
Әллә кайттыңмы яныма
Сары сандугач булып?

Зәмзәм суын салкын диләр -
Татып караганым юк,
Хәлләремне аңлар идең -
Кайтып караганың юк.

Кушымта.

Калма димим, кал да димим,
Сөйсәң үзең килерсең.
Сөйсәң килерсең, килмәсәң
Гомергә үкенерсең!

Кушымта.