Студент булып йөргән чаклар
Һаман күз алларымда.
Тозланса да кайчак дәрес,
Кулдан килә иде һәр эш,
Чапмадык кая гына,
Чапмадык кая гына.
Ярсу иде йөрәкләр,
Якты иде теләкләр.

Әле кичә генә кебек 
Бер борчусыз студент егет.
Яшәгәнбез уйнап- көлеп,
Бар дөньяның тәмен белеп.

Безне карлар туктатмады,
Әгәр кызлар чакырса.
Алны-ялны белми идек,
Өйгә җәяү кайта идек,
Юлга акча калмаса,
Юлга акча калмаса.
Ярсу иде йөрәкләр,
Якты иде теләкләр.

Әле кичә генә кебек 
Бер борчусыз студент егет.
Яшәгәнбез уйнап- көлеп,
Бар дөньяның тәмен белеп.

Әниләргә:"Бүген көтмә,
Дустымда кунам",- дидек.
Өйгә арып кайта идек,
Күз дә йоммый әйтә идек,
Имеш, дәрес өйрәндек,
Имеш дәрес өйрәндек.
Ярсу иде йөрәкләр,
Якты идек теләкләр.

Әле кичә генә кебек 
Бер борчусыз студент егет.
Яшәгәнбез уйнап- көлеп,
Бар дөньяның тәмен белеп.