ТУЖ ТОН КЕЛШИСЬКОД МЫНЫМ…
Русская народная (Ӟуч калык кырӟан),
перевод на удмуртский – Ю. Разиной

Трос ни верамын ке но яратон сярысь,
Ялан уӵыос чирдо шуд сярысь.
Огшоры гинэ кылыз – со тыныд тодмо:
Ой, кыӵе кельшиськод угось, ой-ёй-ёй!
Огшоры гинэ кылыз – со тыныд тодмо:
Ой, кыӵе кельшиськод угось,
кыӵе кельшиськод!

Йырсиед – зарни, баблес, ымдурыд – эмезь,
Нош синмад ӧй дугдысал ноку учкемысь!
Мукетыз доры гинэ эн ветлы – ышод,
Ой, кыӵе кельшиськод угось, ой-ёй-ёй!
Мукетыз доры гинэ эн ветлы – ышод,
Ой, кыӵе кельшиськод угось,
кыӵе кельшиськод!

Мон быгатӥсько веднаськын но кӧня ке,
Сетъёсам сюрид ни тон – уд пегӟы табере.
Синмаськид ни – даурлы тон мынам луод,
Ой, кыӵе кельшиськод угось, ой-ёй-ёй!
Синмаськид ни – даурлы тон мынам луод,
Ой, кыӵе кельшиськод угось,
кыӵе кельшиськод!
……………………….
Вань нылъёс сьӧрад гинэ бызьыло…
Мар карод ини тонэн – тон сыӵе угось…
Шур сьӧрысь арамае ватысал тонэ, ой,
Ма карод, сыӵе-сыӵе кельшиськод бере!
Шур сьӧрысь арамае ватысал тонэ, ой,
Ма карод, сыӵе-сыӵе кельшиськод бере!
........
Трос ни верамын ке но яратон сярысь,
Ялан уӵыос чирдо шуд сярысь.
Огшоры гинэ кылыз – со тыныд тодмо:
........Ой,
........кыӵе кельшиськод угось, ой-ёй-ёй!
Огшоры гинэ кылыз – со тыныд тодмо:
Ой, кыӵе кельшиськод угось,
кыӵе кельшиськод!