Yeller esti. Baar keldi.
Küzde ketken quşlar qayttı.
Yüregimniñ ateşinden
Qarlar irip suvlar aqtı.

Aqqan suvlar keri qaytmaz,
Yaşlıq öter keri qaytmaz,
Ömür birdir – eki olmaz,
İlk baarim tekrarlanmaz.

Sensiz nice tañlar attı,
Közleriñe kimler baqtı,
Ah, neyleyim, aşqıñ meni
Telçeledi, otsız yaqtı.

Aramızda kim olsa da,
Qalbim şubege tolsa da.
Beklemekten iç te bezmem,
Ümüdimni senden üzmem