Цаһан - Нурин школ
Үгнь болн айснь Санҗин Зелмән Эрнҗнә

Цаһан - Нурин
Школнь, школнь
Цаһан - Нурин көвәднь 
Дүңгәһәд бәәнә.

Цецн гинә билгтә
Эгл улсин күүкднь
Цаасн гинә номиһән
Дасад сууна.

Ке сәәхн
Бәәшңнь, бәәшңнь
Кень гинә бәрәд
Күцәһәд өгсмн.

Кень гинә бәрәд
Күцәҗ гихнь,
Күндтә Советин
Күчтә йосн болхгов.

Хойр давхр
Школнь, школнь
Хорхатын дунднь
Дүңгәһәд бәәнә.

Хорхатын дунднь
Дүңгәһәд бәәхнь,
Хәләмҗин, бахмҗин 
Үзл болад бәәнә.