Бу кўнгилни шодликларга тўлдиргувчи - сен,
 Гар истасанг, мени елдек елдиргувчи - сен.
 Гар истасанг, бир лаҳзада шодумон этиб,
 Бир лаҳзада юрак-бағрим тилдиргувчи - сен.
 Гар истасанг, самоларга кўтариб бошим,
 Гар истасанг, аро йўлда қолдиргувчи - сен.
 Ихтиёрим қўлингдадур ҳар сонияда,
 Ўлдиргувчи ёки хуррам қилдиргувчи - сен.
 Итоатдан ўзгасини билмасман, сина,
 Бардошимни тинмай синоқ қилдиргувчи - сен.
 Етар энди, шодлик келтир менга, дилором,
 Бошгинамга неки келса, келтиргувчи - сен,
 Бу кўнгилни шодликларга тўлдиргувчи - сен...