Син җил кебек (җыр)

1. Син җил кебек.
Өмет биреп
Сулышларың чәчләремә китә тиеп.
Син җил кебек:
Назлы исүләрең ләззәт,
Иркәлисең шуны белеп.

Кушымта:
Син җил кебек, син җил кебек -
Әкрен генә назлы исеп
Йөрәгемне кабызасың
Иреннәргә саксыз тиеп.
Син җил кебек.

2. Син җил кебек.
Өмет биреп
Иреннәрең битләремә китә тиеп.
Син җил кебек.
Җылы сафлыгыңнан эрим,
Иркәлисең шуны сизеп, анык сизеп.

3. Син җил кебек. Син җил кебек.
Тын тотыла әйтсәң әгәр сөям диеп.
Син җил кебек.
Күкрәгемне тутырасың.
Күкрәгемдә урнашкансың дөп-дөп тибеп.