Һуңлап ҡуймаһам ине 
(Ф.Абдуллина һүҙ. - Д.Солтанов муз.)
Көн артынан көндәр үтә,
Һағыштар борсой мине.
Хаталарымды аңларға
Һуңлап ҡуймаһам ине.

Уйламай һүҙҙәр әйтәбеҙ,
Рәнйеткәнмендер кемде.
Унан ғәфү үтенергә
Һуңлап ҡуймаһам ине.

Иң ҡәҙерле яҡындарым,
Бар туғандарым минең,
Яратҡанымда әйтергә
Һуңлап ҡуймаһам ине.

Эй, ышанысым донъялар,
Уйҙар борсой күңелде
Кисерергә, ҡәҙерләргә
Һуңлап ҡуймаһаҡ ине.