Күҙҙәремә килеп күрен 
(Зөлфиә Ғизетдинова - Флүрә Арыҫланғолова муз.)
Һинһеҙ үткән һәр бер көнөм -
Өҙгөләнгән күңел гөлөм.
Һуңлай күрмә, ғүмерҙәр ҡыҫҡа,
Күҙҙәремә килеп күрен.

Йәнебеҙҙең юҡ хис бер кере,
Саф хистәрем әле тере.
Һүнмәҫ борон йәшәү нурым,
Күҙҙәремә килеп күрен.

Һыйыр һүҙең, һыйыр серең,
Һинһеҙ буш бит йөрәк түрем.
Өмөттәрем өҙөлгәнсе,
Күҙҙәремә килеп күрен.