Венер Мөхәмәҙиев көйө

Бүләк итеп сәсәкәләр өҙмәнем
Мин һеҙгә иң матур йыр әҙләнем.
Ул йырҙы таптым тыуған илемдә
Иң матур көйҙө турғай теледә.

Әйҙәгеҙ, дуҫтар, йырлайыҡ бергә
Иң матур йырҙарҙы һайлап ҡына.
Иң матур йырҙарҙы һайлап ҡына
Йәшәйек  донъяла һайрап ҡына.

Килдем һеҙгә иҙел-диңгеҙ кисеп,
Һеҙҙе һағынып, ҡанатланып осоп.
Ҡош ҡанаттары түгел иңемдә
Йыр ҡанаттары минең күңелдә.

Әйҙәгеҙ, дуҫтар, йырлайыҡ бергә
Иң матур йырҙарҙы һайлап ҡына.
Иң матур йырҙарҙы һайлап ҡына
Йәшәйек  донъяла һайрап ҡына.