Өҙҙөрөп бер ҡараның да
Яндырҙың йөрәгемде.
Белмәйем (һиҙмәйем) дә ҡайҙа баҫып,
Ни эшләп йөрөгәнемде (ҡылғанымды).

Һиҙмәйем түбәндән төшөп,
Үрҙәргә менгәнемде.
Күрмәйем күргәнемде лә,
Белмәйем белгәнемде.

Һушты алып ут ҡабыҙҙың?,
Һыуын да һибәрһеңме?
Һыу һипмәһәң, беләһеңме,
Көйөнөп кибәһемде?!

Ут сәсеп мин дә ҡараһам,
Хисемде һиҙәрһеңме?
Мин янған уттарҙа янам,
Үҙең һуң түҙерһеңме?