Қара таудың қиясы бар, 
Қара талдың ұясы бар. 
Жат жұрттыққа жаратылған, 
Қыздың қандай кінәсі бар?
 
Қайырмасы:
 Әй,әй керім боран белім,
Бағыңды ашсын барған жерің, 
Әй,әй құрбым, айдай құрбым, 
Бізді ұмытпай ойлай жүргін. 

Айдын көлдің құрағы бар, 
Аққу қаздың сыңары бар. 
Қыдыр ата шағып алған, 
Қыздың қандай кінәсі бар? 

Қайырмасы:
 Әй,әй керім боран белім 
Бағыңды ашсын барған жерің. 
Әй,әй құрбым, айдай құрбым, 
Бізді ұмытпай ойлай жүргін. 

Арпа ма екен, бидай ма екен,
 Төкпей шашпай жинайды екен.
 Туған жерін қыз баланың,
 Қимайтыны қинайды екен.

 Қайырмасы:
 Әй,әй керім боран белім 
Бағыңды ашсын барған жерің. 
Әй,әй құрбым, айдай құрбым, 
Бізді ұмытпай ойлай жүргін.