Сейәләрең сәскә атҡанда
Сейәләргә томан ятҡанда
Һиңә юлды табаһы ине
Сейәң булып ҡалҡаһы ине

Сейәләрең сәскә ҡойғанда
Сейәләрең шәрбәт йыйғанда
Күңелеңә тулаһы ине
Һағныу йырың булаһы ине

Сейәләргә ҡарҙар яуғанда
Сейәләрең елдән ауғанда
Дауылдарҙы ҡыуаһы ине
Йәй ҡояшы булаһы ине

Алһыуланып сейә бешкәндә
Сейәләргә ысыҡтар төшкәндә
Нурлы йөҙөң тағаһы ине
Нурың булып тамаһы ине