Кімге ұқсатам білмеймін қандайымды,
Мама кеп бір иіскеші маңдайымды.
Ақ уызға толмаған таңдайымды
Толтырайын айтумен жағдайымды.
Мама, енді сені табу қиындайды.
Ойласам, көзден жасым тыйылмайды.
Алатауым — жұпарым арман болып,
Туған жерім, топырағың бұйырмайды.
Мама!
Түскендеймін аңдардың арасына,
Мен жат па едім қазақтың баласына?!
Мама!
Пайғамбар жоқ алатын панасына,
Мені осынша азапқа саласың ба?
Мама!
Әнұраным, Туымды биіктеттің,
Сен мені жатқа саттың, күйікті еттің.
Мама, сен мені таппай қаласың ғой,
Келеді бір иіскеп, сүйіп кеткім,
Мама!
Жүректерден иманның нәрі кетті,
Не көрмеген қазағым, бәрің де өтті.
Тағдырымды Аллаға тапсырамын,
Алла мәңгі және де әділетті!
Мама!
Түскендеймін аңдардың арасына,
Мен жат па едім қазақтың баласына?!
Мама!
Пайғамбар жоқ алатын панасына,
Мені осынша азапқа саласың ба?
Мама!
Түскендеймін аңдардың арасына,
Мен жат па едім қазақтың баласына?!
Мама!
Пайғамбар жоқ алатын панасына,
Мені осынша азапқа саласың ба?
Мама!
Онсыз да биік-биік үйлеріңді,
Бала сатып тағы да биіктеткін.
Мама, сен мені таппай қаласың ғой,
Келеді бір иіскеп, сүйіп кеткім.
Мама!