ДЬОЛЛООХ БУОЛ, МАҤНАЙГЫ ТАПТАЛЫМ 
Иван Федосеев тыллара

Эйигин, кэрэ да киһини,
Мин ситэ билбэтэх эбиппин.
Өйдүүбүн ол чуумпу киэһэни,
Эн миэхэ илиигин биэрбиккин.

Хос ырыата: 

Ол сырдык иэйиибит төннүбэт,
Эдэр саас иккистээн эргийбэт.
Дьоллоох буол, маҥнайгы тапталым,
Буруйдаах мин бэйэм буоллаҕым.

Оччоҕо мин эдэр да этим,
Тапталгын таайбатах эбитим.
Ол кэннэ мин үйэм тухары
Эйигин түүл гынан кэлбитим.

Хос ырыата.

Эн суоххар долгуйа ахтарым,
Эн бааргар тылбыттан матарым.
Олус да муҥутах бэйэбин
Сааһыран бараммын сөҕөбүн.