ИУНИЯ 23 ДНЯ. ВЪ ТОЙ ЖЕ ДЕНЬ ПРАЗДНУЕМЪ СРѢТЕНИЕ ПРЕЧИСТОЙ ВЛАДИМИРСКОЙ. НА «ГОСПОДИ ВОЗЗВАХЪ» СТИХИРЫ, ГЛАСЪ 4 (...) ИНЫ СТИХИРЫ. ГЛАС 1. ПОДОБЕН: «О ДИВНОЕ ЧЮДО». ТВОРЕНИЕ ЦАРЕВО

О великое милосердие грѣшнымо еси, Богородице пречистая, скорая помоще, спасение и заступление. Веселися, преименитый градъ Москва, приемля чюдотворную икону Владычица. Воспоимо, вѣрении, со архиерѣи и со князи: «Обрадованная, радуйся, с тобою Господе, подаяй намо тобою велию милость».

Дивно твое милосердие, Владычице: егда бо християне припадоша ти избавитися пагубнаго заколения, тогда невидимо Сыну си молящеся, честеным же си образомъ люди спасающе. Християне, возрадуитеся, поюще: «Обрадованная, радуйся».

Твое славяте заступление архиерѣи и священицы, царие и князи, иноки же и причетницы, и весенародное множество, со женами и младенцы. О святѣй иконѣ твоей хвалящеся, припадаюте велможи с воинествы рускими, зовуще: «Обра(дованная, радуйся)».

«Слава», «И ныне». Глас 6. Вострубите трубою пѣсней во благонарочитеме дни празденика нашего. И тмы разрушение и свѣту пришествие паче солнеца восиявошу; се бо весѣхо Царица и Владычица и Богородица, Мати Твореца весѣхо, Христа Бога нашего, услышавоше моление недостоиныхо рабо своихо, на милосердие прекланяетеся, и милостивено невидимо руцѣ простирающи к Сыну си и Богу нашему, молитву о всей Руси предолагающи, и согрѣшениемъ свобожение даровати молящися, и праведеное его прещение возвратити. О, великое милосердие, Владычица, о, великое щедрото, милости Царица, о, великое заступление, Богородица, како убо, молящи Сына своего и Бога нашего, пришествиеме честенаго образа преславено и выше слова градо и веся люди ото напасти и смерти избавляющи. Царие и князи да сотекутеся, святители и священицы да возвеселятеся, и весяко возрасто вѣреныхо моножество совокупленное весѣхо Царицы, Царя рожешей, да воспоемъ благодарественная, в радости глаголюще: «Радуйся, Божие жилище и граде одушевленный Царя Христа Бога нашего; радуйся, християномо излияние милости и щедрото и промышления; радуйся, к тобѣ прибегающимо пристанище и заступление, и избавление и спасение наше».

На литии. «Слава», «И нынѣ». Глас 6.

Яко венцеме пресвѣтлыме, пречистая Богородице, образомъ твоимъ святыме градо Москва украсися и свѣтится.

Весь до конца писанъ Покрову.