1. Тани нош лыктӥз сяська вакыт.
Ой, кыӵе мылкыд ӧте тонэ.
Мон ӧй на верана тыныд
Сяськаен ӝужась яратонме.

2. Тонэн ӵош ум ветлэ возь вылтӥ.
Лыктылӥд тон вӧтъёсам гинэ.
Та тулыс сьӧры тани лыктӥз
Туж кема возьмам пумиськонэ.

3. Та тулыс, та ӵыдонтэм дыръёс.
Ваньмыз ик тыныд соос туннэ.
Сяськаос, шулдыр уӵы гуръёс,
Ваньмыз верало яратэмме.

4. Тани нош лыктӥз сяська вакыт.
Ой, кыӵе мылкыд ӧте тонэ.
Мон ӧй на верана тыныд
Сяськаен ӝужась яратонме.