Բաժակդ բեր զարկեմ ընկեր,
Մենք նույն ճամփով ենք քայլելու,
Մենք նույն լեռներն ենք բարձրանում
Եվ նույն կյանքով ենք ապրելու:

Բաժակդ բեր զարկեմ ընկեր,
Մենք մեր կենացն ենք խմելու,
Կարմիր արյամբ մեր թաթախված
Մեր հին երգերն ենք երգելու:

Բաժակդ բեր,ավագ ընկեր,
Մենք քո կենացն ենք խմելու,
Մեր ազգը,որ փնտրում է դեռ,
Քո հետքերով է գտնելու...

Քո հետքերով՝նոր ճանապարհ,
Քո խոսքերով՝ճշմարտություն,
Մեր սերը՝այս ազգի պայքար,
ՊԱՅՔԱՐ,որ կծնի Ազատություն ու Սեր,
Արդարություն անստվեր և իրական հույսեր:

Չի ցամաքի ոչ մի աղբյուր,
Ոչ մի ծաղիկ չի թառամի,
Ոչ մի մանուկ էլ չի թախծի,
Քանզի խենթերն են ապրելու:
Իսկ ով խենթ չէ,նա 
Մեզ հետ կենաց չի խմելու:

Բաժակդ բեր նորից լցնեմ,
Զարկեմ,խմենք էլ,խենթանանք:
Սկզբից ավարտ մեկ քայլ է ,եկ
Թողնենք ներկան,վերադառնանք:

Բաժակդ բեր զարկեմ ընկեր,
Դեռ շատ զարկեր ենք ապրելու,
Այստեղ,որտեղ լափում են դեռ,
Քո հետքերով է գտնելու...

Քո հետքերով՝նոր ճանապարհ,
Քո խոսքերով՝ճշմարտություն,
Մեր սերը այս ազգի պա ՊԱՅՔԱՐ,որ կծնի Ազատություն ու Սեր,
Արդարություն անստվեր և իրական հույսեր:

Չի ցամաքի ոչ մի աղբյուր,
Ոչ մի ծաղիկ չի թառամի,
Ոչ մի մանուկ էլ չի թախծի,
Քանզի խենթերն են ապրելու:
Իսկ ով խենթ չէ,նա 
Մեզ հետ կենաց չի խմելու: