Улуг үүле бүдүрер дээш чоруптум,
Уруг эжим менди-чаагай артар сен.
Четтинчипкеш базып чораан кежээвис,
Чечек ышкаш оңмас болзун, эргимим!

Даглыг Тывам ховар кызы, эргимим,
Таан дыка муңгарава, эргимим.
Чажың суйбааш, чааккайың ошкап каайн,
Чалар от дег ынакшылым быжыксын!

Ырак-узак чоруй барган эжиңниң,
Ынакшылын өске оолга солува.
Ыры-шүлүүм бараалагадып ырлап бээйн,
Ынааң мени сактып келгеш ырлап чор!

Чажың суйбааш, чааккайың ошкап каайн,
Чалар оът дег ынакшылым быжыксын!