аялгазы Аяна Самыяаевна Моңгуштуу
сөзү Эдуард Байырович Мижиттии

Күчү күштүг ханалар дег сыннар бүргээн
Хүннүң чырыы ынаалар бооп херелденген
Амыдырал ыдык оду өшпейн хыпкан 
Ада-өгбе сөңнээн авыралдыг Тывам
Өргээвис сен, Тывам!

Кижилерниң төрээн черге ынакшылы
Кидис ышкаш бүргей шыпкан камгалалдыг
Дурлуп дүшпес баганалары - түрлүг чоннуг 
Тура-сорук кыпсыр 
Тугу киискен Тывам
Өргээвис сен, Тывам! 

Кылаң агаар хевис болуп чатты берген
Хөлбең ногаан эзимнери хээлеп каастаан
Дүндүктен ыш ырывыс бооп дүндүүштелген
Түрлүг бедик чолдуг 
Түрег билбес Тывам,
Өргээвис сен 
Түрлүг бедик чолдуг 
Түрег билбес Тывам,
Өргээвис сен, Тывам!