Самая добрая песня

Там,
Дзе рэкі чыстыя-чыстыя,
Дзе 
Азёры, як неба, празрыстыя,
Дзе 
Крыніцы звіняць крыштальныя,
Там,
Дзе словы гучаць прывітальныя,
Там,
Дзе жоравы клічуць прадвесне
Там пачынаецца
Добрая песня

Прыпеў 
Добры дзень, добры дзень!
Мы з табою ідзем
За сабой нас вядзе
Мара 
Самых добрых людзей мы вітаем
Самых добрых падзей мы чакаем.
Самых добрых усмешлівых вуснаў
Мы жадаем
Усім беларусам

Хай
Плыве гэта песня пад зоркамі,
Хай
Засвецяцца вокны вясёлкамі
Хай 
Вам верыцца і кахаецца,
Хай 
Любыя нягоды мінаюцца
Каб
Кожны ваш дзень быў добрым
Мы вам
Нашу песню дорым

Мы ў кожным сэрцы
Запалім агні
Веры, надзеі
І дабрыні