Не знам, ци свадьба са минула,
ци акурат са зачала?
Ми йшли на свадьбу вадь із свадьби?
Я дружба був ци тамада?
Не знам, ци'сьме ишли на возі,
ци я из возом ишов сам?
Ци вуз мене ударив на дорозі,
ци то я сам
помняцкав з куньми пличі цімборам?
Довкола жони у пондьолах
на тепші носять пірулки...
Ко то: сокачки ци доярьки?
А, може, то мої дружки?
Мені са видить, лежиме в шпіталю:
Иван, Василь, Петро, Мішьо...
А де са стратив, сам не знаю,
зафачликований Дюрьо?
Добрі, же я серинчу маю,
добрі, же'м са обстав живий.
Нич не памнятам...,
вукапчали"галю"...
Я з тої п'янки вже дурний.