I. Къоначу сайн дагна лерина хаьржина,
Цхьа безам бара сан сайн дагна хаьржина.
Эвлаха со йолуш, ц1а йог1ур ю аьлла
Хьо, безам, буьту ас, битанза ца яьлла.

Припев :
Безам - ирсан г1ад, сан дагца лиэлахьа,
1ожалло со шелъяхь, эшарца биэкахьа.

II. Сох кхетар, нийсарой, шух езнарг, мел везнарг,
Суьйренца сагатлуш, безаме сатеснарг,
Алахьа хьо юй и безамах къаьстинарг,
Къастаро дог шелдеш, г1айг1ано г1елйинарг?

Припев :
Безам - ирсан г1ад, сан дагца лиэлахьа,
1ожалло со шелъяхь, эшарца биэкахьа.

III. Безамах къастаро хеназа къежйина,
И гаре сатуьйсуш, г1айг1ано б1арзйина.
Сагатдеш, ладоьг1уш ойлано г1елйина
Алахьа ахь , безам, вай х1унда къаьстина?!

Припев :
Безам - ирсан г1ад, сан дагца лиэлахьа,
1ожалло со шелъяхь, эшарца биэкахьа.

IV. Аларан пайда бац, сан шераш д1адахча,
Йоьдучу замано къуоналлех яьккхича
Дог шелдеш, б1аьг г1елбеш къаналла т1ееъча
Кхин даха дог доцуш, безамо со тесча.

V. Шо-шаре мел дели сан кхуьуш бу,
Ойлано г1елъярах,безамо лелош ю,
Къоьжалло къанярах, дог къуона долуш ю
Безам а, къийсам а лелалур болуш ю.