музыка Касбота Тамбиева
стихи Биляла Лайпанова

Туугъан элингден кенгде болсанг да,
Унутмай салам джибер ананга!
Тамам насыблы болуб къалсанг да,
Табын сен анга - адеб къаланга!

Санга бергенди ана тюзлюгюн,
Бергенди сырын, джюрек  джылыун.
Унутма аны огъур тюрсюнюн,
Багъалат сёзюн, аз тылпыуун!

Кимге да борчду эс бёлюб туруу
Ма бу джашауда хар бир анагъа.
Ана къайгъырыу болады буруу
Джерни юсюнде хар бир къаугъагъа.