Краіна жабракоў, рахманых, ціхіх служак,
Край мітусні, халуйства і хлусні.

Краіна чысціні і каляровых лужын,
З якіх бяруць ваду, – і жывяць карані.

Бяспамяцтва краіна і здранцвення.
Край расамах, русалак і чарцей.

Краіна безнадзейных летуценняў,
Бо збачыць смерць усіх сваіх дзяцей.

Прысуд-краіна. У той жа час – збавенне,
Якога гэтак прагна просяць душы.

Краіна несабранага камення,
Таму што тут краіна Раўнадушных.