Ераклардан, урта гасырлардан
Ишетелә тарих авазы:
“Иске Казан, Мулла Хаҗи рухы
Гайшәбикә, чибәр хан кызы”.
Куш. 
Таң алдыннан кызлар суга төшә
Таң кояшы- көләч йөзләре
Суын эчсәң җанга рәхәт бирә
Изге Мулла-Хаҗи чишмәсе.

Ир- егетләр- батыр көрәшчеләр
Авылымның данын яклаган
Кирәк чакта кулга корал алган
Бик күпләре яудан кайтмаган!
Куш. 
Таң алдыннан кызлар суга төшә
Таң кояшы- көләч йөзләре
Суын эчсәң җанга рәхәт бирә
Изге Мулла-Хаҗи чишмәсе.

Туган илнең горурлыгы булды,
Татар Әйшәсендә үскәннәр,
Казансуым, ямьле төбәгем, дип
Сагнып кайта читкә киткәннәр. 
Куш. 
Таң алдыннан кызлар суга төшә
Таң кояшы- көләч йөзләре
Суын эчсәң җанга рәхәт бирә
Изге Мулла-Хаҗи чишмәсе.