Wes mich mein bül ie hat erfreut,
 das han ich seider wol verdeut
 mit mangem ungefegten rost,
 den ich durch iren willen kost;
 und ist das laider ane zal.
 gelückes hab ich klainen val,
 seid das si mich mit grossem qual
 hieng mit den füssen lieplich an ain stange,
 An andern grossen überlast,
 den mich ir lieb hat angetast;
 sol ich ir [bad word] dancken vast,
 des müss si von mir warten eben lange.
 Von ir ich dol
 zu Ungern wol
 der kinder vol,
 genant mit liben füssen.
 die tretten mich
 und jetten mich
 und knetten mich
 und fretten mich,
 das ich mein sünd möcht büssen.

 Zu Prespurg vor dem ofenloch
 ich und der Ebser hetten rät.
 zwar schüren, haitzen kund ich doch,
 das ich den künig fürher jagt.
 ich meldt mich, das er es ersach.
 er sprach zu mir: «dein ungemach
 leidst du von der, die an dir brach,
 [bad word] das dir die saitten nimmer klungen».
 Ich antwurt im an als gever: 
 «hett ich gehabt ain peutel swer
 als euer genad, vernempt die mär,
 von meiner frauen wer mir bas gelungen».
 Von ir ich dol
 zu Ungern wol
 der kinder vol,
 genant mit liben füssen.
 die tretten mich
 und jetten mich
 und knetten mich
 und fretten mich,
 das ich mein sünd möcht büssen.

Ich hoff, mein sach möcht werden güt,
 liess herzog Fridrich seinen strauss;
 wie er desselben nicht entüt,
 so ist dem schimpf der bodem auss.
 Segs tausent guldin wil er han,
 die bülschaft käm mich sawer an.
 do sis verbott, hett ichs gelän,
 so törft [bad word] jetz gen der banck nicht krachen
 In Ungerlant die lange nacht,
 da man die küss aufs sätteln macht.
 [bad word] ain jeder minner tracht,
 damit er bül, das er des schimpfs müg glachen.
 Von ir ich dol
 zu Ungern wol
 der kinder vol,
 genant mit liben füssen.
 die tretten mich
 und jetten mich
 und knetten mich
 und fretten mich,
 das ich mein sünd möcht büssen.