Ой над ракою, над глыбокаю
  *Святы вечор, над глыбокаю
Там стаіць явор, тонкі-высокі *
Тонкі-высокі, уверсе кудравой *
На том кудравом сівы арол сядзіць *
Сівы ароля сядзіць, усё ў ваду глядзіць*
Усё ў ваду глядзіць, шчуку рыбу бачыць *
Ой, шчука-шчука, як ты глыбока *
Як ты глыбока - так я высока *
Ой з цябе, шчука, луску скрабаюць *
А з мяне, арла, пер'е скубаюць *
Ой з цябе, шчука, смашна вячэра *
А з мяне, арла, мякка пасцеля *
Ой з цябе, шчука, смашная юшка *
А з мяне, арла, мякка падушка *
З тваіх костачак зробім масточак *
З майго перайка зробім вяночак *
Ой шчука-шчука, посватаймося *
Посватаймося, побратаймося *