Әниләр
Гөлнара МАХИЯНОВА сүзләре
Рәзидә Әхмәтова көе
1.Әнкәйләрнең назлы карашына 
Күзләренә сыйган бар галәм, 
Кадерликче газиз әнкәйләрне.      
Мәрхәмәтле булсын һәр балаң. 
Куш.-та: 
Әни, әни! Иң кадерле исем! 
Телдән төшмәс кайда йөрсәм дә! 
Шәл-яулыгың иңнәремә салып 
Балачакка кайтып килсәм дә... 

2. Озатып кала, каршы чыгып ала 
Тыңгы белмәс газиз әнкәйләр. 
Кайнар икмәк, назлы караш белән 
Сөтлө чәен ясап... көтәләр...
Куш.-та: 
Әни, әни! Иң кадерле исем! 
Телдән төшмәс кайда йөрсәм дә! 
Шәл-яулыгың иңнәремә салып 
Балачакка кайтып килсәм дә... 
3. Әнкәй, әнкәй! Иң кадерле исем! 
Тик моңсурак нигә күзләрең? 
Моңлы кошның моңын отар идем, 
Табалмыймын әйтер сүзләрне...