АШО НАРМУНЬ

Сак монень тон, ашо нармунекс сак,
Валгт сэнь менельстэть пежетев модазон.
Стяк монь икелев, куш сулеекс стяк,
Токавтык сёлмот шержейгадозь прязон.
Стяк монь икелев, куш сулеекс стяк,
Токавтык сёлмот шержейгадозь прязон.

Эряк монь масторсо, эряк ве чи.
Мон кисэть весементь, весементь кадса.
Косо ды кие тонь истя учи?
Кияк а учи, а учи монь ладсо.
Косо ды кие тонь истя учи?
Кияк а учи, а учи монь ладсо.

Монь масторсо таго теле,
Ашо нармунть чарыть-велить.
Ашо нармунть — теке онт.
Паряк, ютксост улят тон.

Лисян каршот, лисян телес,
Пижакадан теленть келес.
Паряк, марясамак, сат.
Ашо нармунем, косат?

Кадык лоткавтсы молеманзо шкась,
Ингельде велявты эрямо лувось.
Монень кенярксокс а ули лиясь,
Ды ансяк тон, ансяк тон теньсэ чумось.
Монень кенярксокс а ули лиясь,
Ды ансяк тон, ансяк тон теньсэ чумось.

Монь масторсо таго теле,
Ашо нармунть чарыть-велить.
Ашо нармунть — теке онт.
Паряк, ютксост улят тон.

Лисян каршот, лисян телес,
Пижакадан теленть келес.
Паряк, марясамак, сат.
Ашо нармунем, косат?

Сак монень тон, ашо нармунекс сак,
Састыне ютак седеем куншкава,
Шожда лексемакс рунгозон совак
Ды кадовт оймезэнь инязоравакс. 
Шожда лексемакс рунгозон совак
Ды кадовт оймезэнь инязоравакс. 

Монь масторсо таго теле,
Ашо нармунть чарыть-велить.
Ашо нармунть — теке онт.
Паряк, ютксост улят тон.

Лисян каршот, лисян телес,
Пижакадан теленть келес.
Паряк, марясамак, сат.
Ашо нармунем, косат?

(слова: Людмила Рябова)