[bad word] [bad word] %D0%B0%D1%82%D1%8B%D1%8B%D0%BB%D0%B0%D0%BD%D1%8B%D0%BC%D0%B0-at%C4%B1%C4%B1lan%C4%B1ma.html#ixzz48jt2pKRk

Олох кутатын да кутаатын кутталын
Туймаардан тумнар эбит күөх кумааҕы
Бэль, тыыраахы да акаары
Кыыртка маарыҥҥыы сатаахтыыр
Хаһытыыр харчыны хамыйаҕынан баһаары
Барыны бары абылаан абыранаары
Атаскаан ол аата, икки атахтаахха
Таҥарата арааһа, сыыппара ахсааҥа
Төһө бөдөн чыыһыла, көбөр киһи тыйыһа
Дьон иҥсэ быһыыта биитэр тыын былдьаһыыта,
Хайдах да эргит, эрэлгин, итэҕэлгин умуннуҥ,
Муннуҥ хара тыаҕа бу аны чучунаа буоллуҥ...
Бэйэҕиттэн үрдүгү ыстаммакын
Бу сиртэн дьолу атыыласпаккын
Им балайга баламаттаныма
Барыыhыраары балыйыллыма
Көр, көрдүүр көмүһү булар
Өй бутуллар, өбүгэ умнуллар
Үөгүлүүр үпкэ ким ымсыытын тумнар,
Тукаа ол эрэ, туругура турар
Дойдуҥ туһугар угаар,
Норуоккар кытаатан кылааккын уураргын умнумаар,
Бэйэмсэх буолума, сиэмэх буолума
Кэскиллээххэ уол эн уолуйума
Ким да боппот, туох да тохтоппот
Туохха да топпот, бу оонньууну хоппот
Хопто хотой буола улааппат
Чучунаа эрэ бу ойууртан быкпат
Бэйэҕиттэн үрдүгү ыстаммакын
Бу сиртэн дьолу атыыласпаккын
Им балайга баламаттаныма
Барыыhыраары балыйыллыма
Эт сүрэхтээх, сиэрдээх киһи
Манньытар манньаҕа мандайаламмат ини
Баайын билии, түстээ кэскили
Өрө тут дуу эйэни...
Бэйэҕиттэн үрдүгү ыстаммакын
Бу сиртэн дьолу атыыласпаккын
Им балайга баламаттаныма
Барыыhыраары балыйыллыма