Хурдн мөрән унад иргсн
Холын гиичән угтн авъя!
Хәәртә моңһлын заңшларн (а хэ!)
Халун һариг атхн мендлцья!

Айлһ дууһан Тандан өргҗ,
Идән-дееҗән өргн бәрья!
Әмдин йөрәләр учрсн гиичм, (а хэ!)
Әрүн седкләр җирһн суутн!

Алтн җолаһан татад иргсн
Алсын гиичән угтн авъя!
Алдр моңһлын заңшларн (а хэ!)
Альчур-хадган өргн бәрья!

Уйңһ дууһан Тандан өргҗ,
Ундна дееҗән өргн бәрья!
Улан чирәһәрн учрсн гиичм, (а хэ!)
Ууһад-идәд сәәхн җирһтн!

Күүнә һазрас күрәд иргсн
Күндтә гиичән угтн авъя!
Көк моңһлын заңшларн (а хэ!)
Көгртә әркән өргн бәрья!

Седклин үгәр хамдан күүндҗ
Сархтын дееҗән Тандан бәрья!
Сәәхн йөрәләр учрсн гиичм, (а хэ!)
Санн бодад эргн иртн!

Дууна үгиг буулһснь: Буйн-Цецг