П-в Бу тэтими сырыс, 
Хаалыма, батыс
Эрчимнээх эдэр сааскар охтума, тулус
Күүс биэрдэ кэм кэрдиис 
Баар буоллун дьол аргыс
Хайа үрдүгэр тахсыс 
Саныахтара норуот алгыс
Yйэбит сүүрбэ биирис 
Куhаҕаттары тэбис
Бэйэҥ сырдыкка тардыс
Дьонуҥ туhугар охсус
Дьиэ кэргэҥҥэр дьол бэрис
Эн таҥнарыма кэбис
Икки тыhыынча онус сылга уларыта оҕус

1. Хас биир киhи бар дьонун туhугар охтор
Онно эрэ наадыйбакка сылдьаллар сорохтор
Оннук дьон баар дуо эппиэт түмүгэ бытаан
Тылгын биэрэн бараҥҥын толорбоккун сатаан
Мин көрөбүн эдэр ыччат эрэлэ сүппүт
Аргыны батыhан хаарыан олоҕо бүппүт
Сыыhа этэҕин диэмэ, мөккүhүмэ, тохтоо
Субу дьаллык туhуттан норуот кэскилэ охтор
Ыччат истиий олоҕун эн илиигэр баар
Уларытар диэн баар, инникигин санаа
Бу олоххо биhиги тугу эмэ гына сатыах
Эппиэт түмүктэнэн сэмээр сайда туруох
Суох гын аттыгар кучуйар дьоннору
Бэйэн бил, тал арыый сөптөөх суоллары
Өйдөнөр кэм кэллэ, хойутаатым диэмэ
Баар буоллун дьол, сөптөөх үлэ уонна эйэ

2. Соҕотох киhи элбэх ахсааны ситэ толорбот
Атас көмөлөспөт, ким да тугу да эппэт
Ситэ эрэммэт эбэтэр дьон итэҕэйбэт
Эбэтэр ол киhиттэн кэрэни кэтэспэт
Барытын гына сатыыр тулуйбат уустуктан
Букатын бэринэн ньиэрбинэйдиир онтуттан
Барар бэйэтэ чэпчэки сиринэн
Түмүгэр кэбилэнэн иэдэйэр ааккыттан
Бу маннык олоххо баар да биитэр остуоруйа
Ыччат бэйэтин өйүнэн олордун дуоhуйа
Буорту гынар дьону суох гыныҥ киэр кыйдааҥ
Эдэр ыччат аахайымаҥ, 
Биhи санаабыт чөл буоллун, онон бүтүн
Биhи кэннэ оҕолорбут олордуннар сөпкө
Өйдөнөр кэм кэллэ, хойутаатым диэмэ
Баар буоллун дьол, сөптөөх үлэ уонна эйэ