Әсәйемдең сулпы сыңдары
Тормошонда әсәй күпте күрҙе,
Сәстәренә ҡунды саңдары.
Шул сәстәрҙә һаман сыңлай кеүек
Көмөш сулпыларҙың сыңдары.

Хоҙай биргән ғүмер сикһеҙ түгел,
Тыналар шул сулпы сыңдары.
Бергә саҡтың ҡәҙерҙәрен бел һин,
Һағышлы ул сулпы сыңдары.

Ул серле моң һаман йәшәй миндә,
Һағындырып үткән йылдарҙы.
Йөрәк әрней, бер тыңлайһы ине
Әсәйемдең сулпы сыңдарын.