1. Тәлгәштәрен төбән эйгән миләш -
Күҙ йәшеме ҡыҙыл суҡтарҙа. 
Юл буйында ниңә ҡалған яңғыҙ?
Кем һалған һуң һағыш-уттарға?

Миләшкәйем, моңһоуланма.
Яҙҙарың әле алда.
Һөйөлөрһөң, һөйөнөрһөң.
Ерҙә мөхәббәт барҙа. 

2. Ни туңайған? Әллә йылы һөйгәнгә?
Ҡоштар булып осып киткәнде.
Уйлай әллә шул сәскәле сағын,
Шаян елдәр наҙлап үпкәнде.

3. Һау буллашып китте ҡыр ҡаҙҙары
Берһен берһе улар табышҡан
Юл буйында ҡалды яңғыҙ миләш.
Һарғаймаҫмы икән һағышҡа?