Куйуурдуу киирээҥҥин
Ойбону алларан
Балыгы тэптэрэр
Биир үтүө түгэни
Этинэн хаанынан 
Билбэккэ улааппыт
Балыксыт буолбатах

Муҥхалыы сылдьаҥҥын
Тоҥоҥҥун хатаҥҥын
Тахсыы чагдааты
Кэтэһэр манаһар
Күүтүүлээх тугэни
Долгуйа күүппэтэх
Эр киьи буолбатах

Хос ырыата
 
Өбүгэ үгэһин
Байанай алгыһын
Булт мындыр курэҕин
КыраҺа суругун
Уолугар көрдөрбөт
Уһуйбат такайбат
Ол саха буолбатах
Ол саха буолбатах

Андыбыт барахсан
Аатыран арбанан
Үс төгүл куугунаан
Үөһээттэн түһэрин
Отууга олорон
Билбэтэх көрбөтөх
Ол сааһыт буолбатах

Ыт үрэр моргуорун
Ыраахтан истибэт
Байанай барахсан
Баатыттан туһаммат
Аал уотун иччитин
Алгыстаан аһаппат
Ол булчут буолбатах

Хос ырыата
 
Өбүгэ үгэһин
Байанай алгыһын
Булт мындыр курэҕин
КыраҺа суругун
Уолугар көрдөрбөт
Уһуйбат такайбат
Ол саха буолбатах
Ол саха буолбатах