Snow voice "Санаам эйиэхэ"

Эйиигин илиигиттэн сиэтэммин илдьиэм, 
Ол ыраах сулустаах халлаан анныгар,
Эн биһи ол онно куустуһан тураммыт
Таптал уотугар уйдара налыйа устуохпут.
Эн, нарын минньигэс дьэдьэн уостаргыттан
Мин куруук убуруур буолуоҕум,
Сэгэриэм чугаһаа эн миэхэ, кыбыстыма
Эн биһи тапталбыт, эн биһи олохпут.

Оо, санаам арай эйиэхэ,
Мин таптыыр кыыспар тиийдэргин
Сып-сылаас иэдэстэргиттэн убураан ылларбын долгуйа.
Оо, санаам арай эйиэхэ, сулустаах халлаанныын холбоһон
Таптыырбын суруйан тиэртэрбин эйиэхэ 
Кэрэчээнэ мин күндү кыысчааным.

Долгуннуу устаҥҥын аттыбынан аастыҥ,
Билбэттии туттаҥҥын мичээр бэлэхтээтиҥ,
Мин уйаҥ сүрэхпин долгута аймаатыҥ,
Хаһыс да төгүлүн тапталбын таайбатыҥ.
Сэгэриэм, оонньоомо тапталбынан
Эйиигин астына көрөрбүн туһанан,
Кэл миэхэ, сиэттиһэн ол ыраах халлааҥҥа
Сулустар уоттарын батыһа көтүөххэ.