МУСОЕ МЫНАМ
... ... ... Юрий Визбор
... ... ... ... ... ... Перевод на удм. яз. Ю. Разиной
Пумиськомы асьмеос, люкиським ке но нош...
Яг дурын шур маке чус шыпыртэ, укыр ӝож.  
Пень, дӥсьтытэк, тылскемысь эгырез шобыртӥз.
Адӟиськеммы ӝог ортчиз, люкиськон дыр вуиз.
ПР:
Вера, мусое, ку адӟиськомы на?
Кытысен но ку выльысь пумиськом на?
Вера, мусое, яг шундые, вера,
Кытысен но ку мон тонэ адӟом на?
.......................
Ӝик-ӝик палаткаослэсь бурдъёссэс утялто.
Шуак ӝоген лыз инме ӝутӥсько но лобӟо.
Трап дыртытэк самолёт бордысь чус ишкалскиз,
Мар веранэз, куспамы пыдэстэм гу кылдӥз...
ПР:
Вера, мусое, ку адӟиськомы на?
Кытысен но ку выльысь пумиськод на?
Вера, мусое, яг шундые, вера,
Кытысен но ку мон тонэ адӟом на?
..........................
Эн буйгатэ тӥ монэ, тӥ уд юрттэ кылын.
Шып шыпыртӥсь яг шурез шедьтоно вал мыным.
Оло нош, бус пыр зӥбытак пиштэ отын тыл...
Оло, кин ке но вите монэ со тыл дурын?
ПР:
Вера, мусое, ку адӟиськомы на?
Кытысен но ку выльысь пумиськод на?
Вера, мусое, яг шундые, вера,
Кытысен но ку мон тонэ адӟом на?