Нигә, әни, нигә картаясың?

Рәшит Абдуллин музыкасы, Разил Вәлиев сүзләре 

Нигә, әни, нигә картаясың, —
Уйлыйсыңмы дөнья афәтен?
Күчсен, әйдә, безнең йөрәкләргә
Бар уйларың, бөтен хәсрәтең.

Нигә, әни, нигә картаясың?
Дөнья шундый матур чагында.
Күрәсеңме, әнә, күзләреңдә
Безнең шатлык, бәхет чагыла.

Нигә, әни, нигә картаясың,
Моңланасың һаман, әй, нигә?
Әй, син картлык, кермә безнең өйгә,
Әй, син картлык, тимә әнигә!