А ў полі вярба,
 Пад вадой вада,
 Там хадзіла, там гуляла
 Дзеўка малада.
 Дзеўка ад вады,
 Хлопец да вады:
 - Пастой, пастой, дзяўчыначка,
 Дай каню вады.

 - Рада б пастаяць,
 Каню вады даць,
 Мае босенькія ножкі,-
 Сцюдзёна стаяць.
 - Я сніму парчу,
 Ножкі абвярчу,
 А назад як павярнуся,
 Боцікі куплю.

 - Пастой, пастой, дзяўчыначка,
 Дай каню вады. (паўтор)
 - Я сніму,сніму парчу,
 Ножкі абвярчу,
 А назад як павярнуся,
 Боцікі куплю..

 -Не купляй ты мне,
 А купі сябе :
 Ёсць у мяне татка, мамка,
 Яны купяць мне.