Шарка- Барка 
Үгнь болн айснь олн - әмтнә 
Дуулҗахнь Һәрән Нимгрин Валентина

Шар чиктә хѳѳһинчнь гинәлә, 
Шарканчнь хүрмднь чанулдг биләлә. 
Шарка, Барка хойраһинчнь гинәлә 
Шаһа - чимгнднь мөргүлдг биләлә. /2д.

Бор чиктә хѳѳһичнь гинәлә, 
Баркан хүрмднь чанулдг биләлә. 
Булһн Кермн хойраһинчнь гинәлә 
Буру - зѳвиһинь йилһдг биләлә. /2д.

Балта эрәтә күлтнь гинәлә, 
Бадмин Манҗднь зокаста биләлә. 
Балта - шикринчнь әмтәхнднь дурлхшив, 
Бадмин Манҗин сәәхнднь дурлнав./2д.

Эрәләд шаглсн күлтнь гинәлә 
Эрднин Манҗднь зокаста биләлә. 
Эрәтә балтаһинчнь әмтәхндчнь дурлхшив, 
Эрднин Манҗин сәәхндчнь дурлнав. /2д.