1.Алыҫтарҙан ҡайтам һинең янға
Көтәһеңдер мине, әсәйем.
Күҙҙәреңде алмай оло юлдан,
Көтәһеңдер мине, ҡәҙерлем. 

ҡ.: Әсәйем - күҙ нурым! 
Тормошомда иң яҡын кешем! 
Һинең доғаларың менән йәшейем. 
Яҡты була минең һәр көнөм! 

2. Алдарыңа һалып баштарымды,
Бала саҡтай тоям үҙемде.
Белһәң ине нисек һағынғанмын,
Нурҙар сәсеп торған йөҙөңдө! 

3. Һинең наҙлы, йылы ҡулдарыңды
Ҡат-ҡат килә минең үбәһе
Әсәйҙәрҙең изге күңелдәрен
Үҫеп еткәс кенә аңлайһың!