Быным и быныж зылъагъум сыту и насып,
Уи щIалэгъуэм къегъазэжыр, мэхъу гуащэ хьэпшып.
Ар уи куэщIым ибгъэувэу зэ къэбгъэджэгуам,
Пщегъэгъупщэ жьыгъэ узыр, гъащIэу къыплъыхьам.

Жъыу:

Iэбэ цIыкIур ищIурэ, лъабэ цIыкIур ищIурэ
Къофэ си дунейр, си псэу, дахэкIейр.
Iэбэ цIыкIур ищIурэ, лъабэ цIыкIур ищIурэ
Къофэ си дунейр, си псэу, дахэкIейр.

Пщэдджыжь бзум къриш уэрэдым ещхьщ уи дыхьэшх макъ, 
Си нэм, си псэм ухуэзгъадэу сэ уэ сыпхуосакъ.
Уи адэ анэм уакъылъыскъым, укъысхудоплъей,
Нанэ и псэ, дадэ и псэ, псоми уралейщ.

Жъыу

Уэ си куэщIым уизгъэкIынкъым лъэм утеувэху,
Уи зы шхэгъуэ блэзгъэкIынкъым уэ си дуней нэху.
Уи гущэкъур щIызоупскIэр махуэм ужеиху,
Укъэушмэ укъыщофэр куэщIым урикъуху.

Жъыу