Мансылып таң нурҙарына
Офоҡ сите – яҡтыра.
Юлдар, юлдар – алыҫ юлдар
Беҙҙе алға саҡыра.

Юлдарыңа юлдаш итеп,
Ал һин дәртле йырҙарҙы.
Алыҫ юлдар яҡыная,
Ауыр юлдар еңеләйә,
Йырлап үтһәң юлдарҙы.

Ят көйөнә, дуҫ һөйөнә
Беҙҙең көскә, илһамға.
Юлдар, юлдар – алыҫ юлдар.
Илтә беҙҙе йыһанға

Юлдар, юлдар, алыҫ юлдар.

Бер туҡтауһыҙ бер юлдабыҙ, -
Баштарыбыҙ юғары.
Юлдар, юлдар – алыҫ юлдар, -
Данлы ғүмер юлдары.

Юлдарыңа юлдаш итеп,
Ал һин дәртле йырҙарҙы.
Алыҫ юлдар яҡыная,
Ауыр юлдар еңеләйә,
Йырлап үтһәң юлдарҙы. 
Ят көйөнә, дуҫ һөйөнә
Беҙҙең көскә, илһамға.
Юлдар, юлдар – алыҫ юлдар.
Илтә беҙҙе йыһанға.

Юлдар, юлдар, алыҫ юлдар.