Алақаннан ұшқан аққуым
Барасың ұзақ шалғайға
Қанатың қалқам талмайма
Жаныңа медет болғайды-ай

Желкiлдеп өскен құрағым
Еркiндеу өскен шырағым
Әкеңнiң барма арманы
Табылса тенiң сыңарың

Қарлығаш қанат қарағым
Қайырлы болсын қадамың
Өзiңсiң ендi еншiсi
Кең жайлау екi араның

Алақаннан ұшқан ақ құсым
Бiр үйге сенде бақпысың
Алыстап бара жатқаның
Арқама менiң батты шың

Ағайын туыс ұяда
Жақынын жатқа қия ма
Ақ ордаң алтын бесiгiң
Келiп тұр ұшқан ұяңа

Жақсыда жаттық болар ма
Жаманға көңiлiң толар ма
Жұбыңмен келiп тұрғайсың
Жалғыздан-жалғыз оралма

Қош аман қызым қош аман
Көңiлiмдi қайтем босаған
Алдыңнан ашсын бағыңды
Аттаған жаңа босағаң
Алдыңнан ашсын бағыңды
Аттаған жаңа босағаң