Jammo Ja'
(N. D'Angelo)

Jammo jà guadagnammace 'o pane 
Nuie tenimmo 'o sudore int' 'e mane 
sapimmo cagnà 
Jammo jà e facimmo ampresso 
Sott'a st'Italia d''o smog e d''o stress 
Nuie simmo 'e furbe ca s'hann' 'a fa' fess 
Simmo nate cù duie destine, 
Simm' 'a notte e simmo a matina 
simme rose e simmo mspine 
Ma simmo ramo d''o stesso ciardino 
Meridionale 
Simmo terra chena 'e mare 
Ca nisciuno pò capì 
Stammo buono o stammo male 
Jammo annanz'accussì 
'fatica è nu regalo 
E' a speranza è partì 
Jammo jà e dammece 'a mano 
Si stammo nzieme putimme i luntano 
Nun se po cchiù aspettà 
Jammo jà ca sta vita va 'e press 
Nuie simmo 'a casa de vase e 'e carezze 
Ma fa nutizia sultanto 'a munnezza 
Cù sta mafia cu 'o mandulino 
Ca ce hànno mise da sempe ncuolle 
Simmo 'a faccia 'e 'na cartulina 
Ca ce svenne pe tutt''o munno 
Meridionale 
Simmo voce 'e miez' 'o mare 
Ca nisciuno vo sentì 
Simmo l'evera appicciate 
Ca nun se sape maie a chi 
Simmo 'o specchio e n'autostrada 
Ca nun vonno maie fernì 
Addò 'o viento s'abbaraccia 'o mare 
Troppo so' 'e penziere 
chi cresce cù pane amaro 
E' 'n'italiano straniere 
Si 'a giustizia se lava 'e mane 
Song bianche 'e bandiere 
chi maie po penzà a dimane 
Nasce priggiuniero... 
Simmo nate cù duie destine, 
Simm' 'a notte e simmo a matina 
simme rose e simmo mspine 
Ma simmo ramo d''o stesso ciardino 
Meridionale 
Simmo terra chena 'e mare 
Ca nisciuno pò capì 
Stammo buono o stammo male 
Jammo annanz'accussì 
'fatica è nu regalo 
E' a speranza è partì 
guagliune d''e viche 'e Napule 
Nun sarranno maie Re 
Dint' 'o Zen 'e Palermo se bevene 'o tiempo 
P' 'a sete 'e sapè 
nun è maie facile a durmì cu 'e pecchè 
campà ci 'a pacienza è 'o cchiù grande equilibrio 
Pe chi pò cadè.

c 2010 Ed. Biondo
p 2010 Lucky Planet