I. Дийнахь-буса хьан ц1е йохуш
Шена оьшу, безам бохуш хьо
Къайлах даккхий синош дохуш
Хьуна доьлху сан кийрара дог
Малх схьакхетча лаьтта сирла
Цуьнан йовхо к1еззиг хаало
Синтем байна, собарх тилла
Хиллачух ца кхеташ ойла йо

II. Лоьхи те ахь ца ван бахьна
Ган сатесна хьоьжу тахна со
Мичахь лела мерза безам
Карзардуьйлу дагчохь везар хьо
Ахь дуийла дуьне г1оза
Хаац ишта х1унда веза хьо
Доьху хьоь сан дагах кхета
Цунна хьоме, веза хета хьо

III. Хьан безамо хьере йина
Дог ца дуьллуш ас ларвина хьо
Хьол деза сан дац кхи х1умма
Даим хьо сан даго хьеха во
Ма лелахьа гена ваьлла
Дериг дуьне суна кхоладеш
Хир яра сапарг1ат даьлла
Хьо вуй хиъча сайна сагатдеш

IV. Хета хьо сайн ирс, сайн бахам
Хьоьца доцу дахар дайна го
Хьо ду дериг сан самукъа
Сайн сил дукха веза оьшу хьо
Ахь дуийла дуьне г1оза
Хаац ишта х1унда веза хьо
Доьху хьоь сан дагах кхета
Цунна хьоме, веза хета хьо.