Аклы ситса күлмәгеңә
Каралар тигәләгән.
Кояш синең йөзләреңә
Нурларын сибәләгән.

Аллия, Гөллия,
Гөллия тирәккәем;
Яшә гөлләр арасында -
Шул сиңа теләккәем.

Уртада басып торасың,
Әйләнмиме башларың?
Карлыгачка мисал икән
Синең кара кашларың.

Аллия, Гөллия,
Гөллия тирәккәем;
Яшә гөлләр арасында -
Шул сиңа теләккәем.

Тәрәз ачып җимнәр сиптем -
Ашагыз, кошкайларым.
Алсу чәчкә эчләрендә
Яшәгез дускайларым.

Аллия, Гөллия,
Гөллия тирәккәем;
Яшә гөлләр арасында -
Шул сиңа теләккәем.